Մեր մասին

Այսօր,  ես ուրախությամբ և հպարտությամբ կարող եմ ասել, որ «Կարեն» ատամնատեխնիկական լաբորատորիան Հայաստանում միակ լաբորատորիան է, որը հագեցած է նորագույն, բարձրորակ ամերիկյան  և եվրոպական սարքավորումներով, ունի բարձր պատրաստվածությամբ , որակավորմամբ փորձառու մասնագետներ, որոնք  անընդմեջ ստանում են Եվրոպայի առաջնակարգ մասնագետներից տեղեկատվական աջակցություն: Այս բազմակի ձեռքբերումների շնորհիվ, այսօր մեր լաբորատորիան հնարավորություն ունի պատրաստել էսթետիկական և ֆունկցիոնալ  բոլոր պահանջներին համապատասխան պրոթեզներ, կատարել ցանկացած տեսակի և բարդության աշխատանքներ և պատվերներ ընդունել բազմաթիվ ատամնաբուժական կլինիկաներից:

Մենք հատուկ ուշադրություն ենք դարձնում կատարվող աշխատանքների որակին, քանի որ մեր կարգախոսն է՝ որակ և պատասխանատվություն աշխատանքի յուրաքանչյուր փուլում, իսկ գլխավոր և առաջնային նպատակն է՝ մեր հաճախորդն ու նրա բավարարվածությունը: Մեզ համար մեծ նշանակություն ունի ոչ միայն կատարվող աշխատանքների բարձր մակարդակը, այլ նաև օգտագործվող նյութերի որակը: Մենք համագործակցում ենք միմիայն իրենց աշխատանքի հանդեպ պրոֆեսիոնալ վերաբերմունք ունեցող բժիշկների հետ, դրանով իսկ հաստատելով ատամնաբուժության մոտեցման միակ ճիշտ եղանակը:

Աշխատանքի երկար տարիների ընթացքում մենք ատամնատեխնիկայի ոլորտում ճանաչում ենք ձեռք բերել ոչ միայն Հայաստանում, այլ նաև արտասահմանում: Այսօր մենք համագործակցում ենք արտասահմանյան լուրջ կլինիկաների և ատամնատեխնիկական նյութեր արտադրող ընկերությունների հետ, և ամեն տարի ստանում համագործակցության նոր առաջարկներ ՝աշխարհի տարբեր երկրներից: Այնուամենայնիվ, մենք երբեք կանգ չենք առնում, ձգտելով նորանոր նվաճումների և աշխատելով անընդմեջ զարգանալ և լինել ժամանակին համահունչ: Այս պահին մեր լաբորատորիան ունի երկրում նորագույն սարքավորումներով ամենաբարձր հագեցվածությունը: Բայց չնայած դրան, մենք շարունակում ենք ձեռք բերել նոր սարքավորումներ, քանի որ գիտությունը և տեխնիկան,այդ թվում նաև ատամնային պրոթեզների արտադրման եղանակները, տարեց տարի ավելի արագ են զարգանում: Մենք քաջ գիտակցում ենք, որ անհրաժեշտ է համապատասխանել ժամանակի նոր պահանջներին, օգտագործելով տարբեր հայտնի բրենդերի կողմից առաջարկվող նոր նյութեր և տեխնոլոգիաներ:

Մեր լաբորատորիայի առաքելությունն է՝ նվիրել մեր հաճախորդներին լիարժեք և անկաշկանդ ժպիտ՝ լրացնելով իրենց կյանքը դրական փոփոխություններով և զգացողություններով, դարձնել երջանիկ՝ անկախ տարիքից, սեռից կամ հասարակական կարգավիճակից, դրանով իսկ անելով մեր փոքր ներդրումը Հայաստանում կյանքի բարելավման գործի մեջ:

Հայաստանի ստոմատոլոգիական կենտրոնների գրեթե 50%-ի հետ համագործակցում ենք: Մեզ պատվիրում են հիմնականում բարդ և պրոբլեմատիկ աշխատանքներ:Քանի որ մենք շատ խստապահանջ ենք և մանրակրկիտ ենք մոտենում աշխատանքին՝ համագործակցում ենք ամենաժամանակակից ու խստապահանջ ատամնաբուժական կլինիկաների, ինչպես նաև անհատների հետ:

Ոլորտին վերաբերող յուրաքանչյուր նորամուծություն աշխատում ենք ընդգրկել մեր աշխատանքում, որպեսզի լաբորատորիան քայլի արդի զարգացումներին համընթաց: Այն ուսանողները, ովքեր մեզ մոտ գործնական դասընթացներ են անցել և մնացել  մեզ մոտ աշխատելու՝ այժմ ոլորտի բարձրակարգ մասնագետներ են:

Հաջողության գաղտնիքն առաջին հերթին սերն ու նվիրվածությունն է աշխատանքի նկատմամբ: Մենք սիրում ենք մեր աշխատանքը: Երբևէ դժվարությունները չեն խոչընդոտել շարունակելու և զարգացնելու մեր լաբորատորիայի աշխատանքները: